Mu gihe umuziki nyarwanda ukomeje kunguka impano nshya zifite icyerekezo, izina Last Kabano naryo riratangira kumvikana mu matwi y’abakunzi b’umuziki. Afite isura ya fashion idasanzwe, imyambarire iteye amatsiko n’ijwi rifite umudiho wihariye, uyu musore ari mu rugendo rwo kwerekana ko impano ye ishobora kugera kure.
Last Kabano atangaza ko yatangiye ku mugaragaro mu 2024, ubwo yasohoraga indirimbo ye ya mbere yise “Malawi” ku wa 25 Kanama 2024. Iyo ndirimbo niyo yamuhaye intangiriro mu rugendo rwe rwo kwiyerekana ku bakunzi b’umuziki.
Last Kabano ati:
“Icyo nyeganyiriza abakunzi bange nukubaha imiziki myinshi kandi ibafasha kumva ko ubuzima bugifite ibyiringiro byo kuba bwiza.”
Uyu musore avuga ko umuziki we awushaka nk’ubutumwa butanga ibyiringiro, umunezero no guhumuriza urubyiruko rukomeje gushakisha icyerekezo mu buzima bw’iki gihe.
Indirimbo “Carine” yayihaye umusome wihariye
Last Kabano yatangaje ko indirimbo ye ya kabiri yise “Carine”, yayihimbiye mushiki we ku munsi w’ubukwe bwe, ndetse akavuga ko ari imwe mu ndirimbo zifite amarangamutima akomeye mu bihangano bye.
Indirimbo nshya “Jalo” iri mu nzira
Ntahagarariye aho, Last Kabano yatangaje ko ari gutegura gushyira hanze indi ndirimbo nshya izaba yitwa “Jalo”, kandi ko hazabamo udushya twinshi mu ijwi hamwe n’amashusho ateganyijwe.
Afashwa n’umunyempano Cyu cyu Derick (Eric Stone G)
Last Kabano asobanuye ko ibyo byose abifashwamo na Eric Stone G, wamenyekanye cyane nka Cyu cyu Derick muri filimi nyarwanda zitandukanye. Cyu cyu we ati:
“Nkoresha byose nk’undi ukunda umuziki nyarwanda, kandi nshyigikira impano nshya. Ndavuga ko buri wese akwiye gushyigikira Last Kabano kugira ngo agere ku nzozi ze.”
Last Kabano ni umwe mu bahanzi bato bagezweho mu Rwanda, ufite intego yo kuzamura umuziki wifitemo ubutumwa bw’icyizere n’urukundo. Ubufasha ahabwa n’abamwizeye nka Cyu cyu Derick, imyambarire ye idasanzwe n’ijwi ridasanzwe bituma yemererwa kuba umwe mu bahanzi bashya bagomba kwitabwaho muri uyu mwaka. Uramutse ukunda impano nshya, Last Kabano ni izina ugomba gukurikira, kuko urugendo rwe rutangiye none kandi rushobora kwandika amateka!
